ABOUT US
ԷԼ Սթոր ՍՊԸ-ն ողջունում է Ձեզ։
EL STORE ՍՊԸ-ն մասնագիտացված է էլեկտրատեխնիկական նյութերի և սարքավորումների ներկրման, ինչպես նաև դրանց մանրածախ և մեծածախ վաճառքի մեջ։ Հիմնադրվելով 2021 թվականին՝ ընկերությանը կարճ ժամանակում հաջողվել է կայուն դիրք զբաղեցնել ՀՀ շուկայում՝ շնորհիվ բարձրորակ և մրցունակ ապրանքատեսականիի, ինչպես նաև վստահելի գործընկերային հարաբերությունների։
EL STORE ՍՊԸ-ն համագործակցում է միջազգային հեղինակություն ունեցող ընկերությունների հետ, ինչպիսիք են Schrack Technik-ը, RID Batteries-ը, ETI Group-ը, EDCO-ն, CEA-ն։ EL STORE ՍՊԸ-ն հանդիսանում է Schrack Technik-ի պաշտոնական ներկայացուցիչը Հայաստանում։
Schrack Technik-ը ավստրիական առաջատար տեխնոլոգիական ընկերություն է, որը հիմնադրվել է 1914 թվականին Վիեննայում՝ Էդուարդ Շրակի կողմից, և ունի ավելի քան մեկ դարի փորձ էլեկտրատեխնիկական ոլորտում։ Ընկերությունն իր գործունեությունը կենտրոնացրել է Կենտրոնական և Արևելյան Եվրոպայի շուկաներում՝ ունենալով դուստր ձեռնարկություններ 11 երկրներում և գործընկերներ 40-ից ավելի երկրում։
Schrack Technik-ի արտադրանքի տեսականին ներառում է ավելի քան 25,000 անուն ապրանք, այդ թվում՝ կառավարման պահարաններ, էլեկտրական վահանակներ, ռելեներ, ավտոմատ անջատիչներ, անվտանգության լուսավորության համակարգեր, ինչպես նաև տվյալների ցանցային սարքավորումներ։ Ընկերությունը տրամադրում է համապարփակ լուծումներ, որոնք ապահովում են անվտանգ, հարմարավետ և տնտեսապես արդյունավետ էներգիայի բաշխում և օգտագործում։
Schrack Design-ը ծրագրային ապահովում է, որը նախատեսված է էլեկտրական բաշխիչ վահանակների նախագծման համար՝ համապատասխան EN 61439 ստանդարտին։ Այն թույլ է տալիս ստեղծել միացման սխեմաներ, իրականացնել ջերմային հաշվարկներ և ավտոմատ գեներացնել փաստաթղթավորում՝ հաշվի առնելով նախապես նախագծված վահանակների ձևանմուշները։ Այն աջակցում է մասերի ցուցակի ավտոմատ գեներացմանը և պատվերի ձևավորմանը՝ դյուրին դարձնելով բաշխիչ վահանակների նախագծումը և ապահովում է որակ և համապատասխանություն միջազգային ստանդարտներին։